سـتـوكـهـولـم الـكـنـبـة (سـلـعـة البقـر)

إعــلام النسانيس .... كله يهيص

إحــنـا صابرين صابرين صابرين (المشير) طلع وقال كدا قال إيه عشان الشعب الهمجى البلطجى بيظلمه طب ما الناس عارفه الحقيقية 
إنه كذاب وحرامى وشاهد زور .. الله طب إزاى الناس صدقته إنه غلبان وصابر على القسية ... !!


أنا لما بقعد قاعدة رجولى بطلع الجزء الرجولى أنا إللى بانيت المطار أنا قتلت وإتقتلت أنا رجعت النت أنا أنا أنا (شفيق) والمشكلة الناس عارفة إنه لا يصلح لمصر وإنه حرامى وصاحب موقعة الجمل وإنه إبن ستين ... لامؤاخذة طب إزاى بردوا صدقوا ..!!


الألتراس شوية عيال بلطجية ممولين من الخارج صيع وليهم كابو وبتاع (خالد الغندور - شوبير - وكل الإعلامين بتوع الكورة ولاد .. )
مع إن الألتراس أرجل من الرجالة وإللى مشافهومش فــ الثورة ولا محمد محمود معرفش يعنى إيه ثورة بجد (ولع شمروخ يمحى الظلام ) بس إزاى الناس بتصدق بردوا ... !!


إيران وحماس وأمريكا وإسرائيل ودول أوربا وفلسطين والكرة الأرضية والكائنات الفضائية ضد مصر (مع إن مصر دى دولة عالم تالت ولا ليها ستين لازمة بالنسبه ليهم ) والمواطن المصرى لا يمثل قيمة بشرية بالنسبة للدول دى !! بس بردو الناس بتصدق إن الدول إللى طول عمرها أعداء بيتفقوا مع بعض عشان يموتوا مصر الجميلة ويشيلوا الناس الحلوة زى مبارك وشفيق وطنطاوى إللى مبيكذبش ..
وبردوا الناس بتصدق طب إزاي ..!!


أقولك بقا إزاى إسمع يا سيدى ....
أغلبية الشعب إيه جهلة وفقراء وجعانين وعريانين وشحاتين دى الأغلبية من الطبقة إللى تحت الطبقة الدنيا بشوية 
طيب والطبقى الوسطى ناس بتاكل بالعافية موظفين ويدوبك بيحاولوا يتنفسوا من آي خرم ....
والطبقة الغنية عالم بيحسوا بالغلابة ودول قليلين ... وعالم ولاد كلب ليهم مصالح وإستثمارات مع النظام إللى هو طنطاوى مبارك وشفيق (عارفة إنك فاهم ده للناس الغلابة إللى ميعرفوش يعنى إيه برولتريا وبرجوازية ) ...


طيب الطبقتين إللى هما الفقراء والمتوسطين دول نخاطب عقولهم إزاى .... وإزاى نخدعهم ونبين الكذب كأنه حقيقة ؟؟


وهو ده إللى فعلاً أكبر أسباب فشل الثورة .... الإعـــــــــــــلام ..... أيوة الإعلام والإعلامين 


وده مش معناه تلفزيون بس لأ يا بيه جرايد مجلات منشورات ملصقات بس للتلفزيون العامل الأكبر وعلى فكرة مش القناة الأولى 
بس هى بنت الكلب لأ يا بيه أحب أقولك معظم القنوات بنت ستين كلب ودول بقا الطبقة الغنية بتاعت المصالح فقوم إيه إضحك على الناس عشان مصالحى بينما هما عارفين إنهم كلهم ولاد .... فــ بعض ...


طيب إزى بيضحكوا علينا إللى هو إحنا الطبقة الفقيرة والطبقى المتوسطة (بإستثناء الناس الواعية الجميلة منهم)


الموزيعة الفلانية جيبة الدكتور الفلانى لتحليل الوضع الراهن ويقعد يقنعك إنه بيتكلم بحياد تام بينما هو بطريقة غير مباشرة بيقولك شفيق والدنيا هتخرب وده بتاع الإستقرار ويعيشك فــ وهم الإستقرار والناس مش عارفة تعيش وخايفين وهئ ومئ ..


على فكرة مافيش حاجة إسمها إستقرار :) مش موضوعنا ...


طيب دلوقتى فــ أحداث عند المجمع العلمى فيطلعلك مزيع زى خيري رمضان يسبلك الأرواح إللى كانت هتروح فيها روح إبنك ويقولك الكتاب إتحرق وإنتوا ليه بتعملوا كدا فـــ مصر ويجبلك راجل زى النسو .. النساء بيعيط على الكتاب والأرواح راحت للى خلقها وعد يابنى جثث شباب زى الورد فـــ المشرحة قادرين يعملولك مليون مجمع علمى وقادرين يبنولك مليون مستشفى ومية مصنع ... بالعقل مش بالكتاب ....


نقعد نفهم الناس إن المجلس العسكرى ملوش دعوة بالجيش يصمموا يوقعونا مع الجيش بردوا بالإعلام القذر يجبلك الفنانة الفلانية بتعيط على التليفون ليه بتعملوا كدا فــ جيشنا العظيم دول ولدنا ودول منا يا ناس إفهموا المجلس العسكرى حاجة والجيش حاجة وبردو مافيش !!


طب البنت إتعرت فـــ الشارع والفديوا قصادك والشهود موجودين مليون شاهد الإعلام بتاع المتأسلمين إللى بيخاطب عاطفتك بيقولك إيه إللى يوديها لابسه ومش لابسه إنت مال أمك (مع العلم كانت لابسه بلوفر أبيض مع السحل إترفع) إعلان عاهر عاهر وشيوخ مش شيوخ دول داعرين !!! وبيتقفشوا فــ عربياتهم لامؤاخذة ....
ــــــــــــــــــــــــــــــــــــــــــــــــــــــــــــــ


طيب فايجى الراجل أو الست العادين أبويا وأبوك إنت وأنا نسأل طب أدى الثوار وأدى الجثث وأدى المجلس العسكرى وشفيق ومبارك 
مين الصح ومين الغلط مين الحق ومين الباطل ... أعمل إيه وأجى منين ؟؟؟


طب أنا عايز أكٌل وأشرب وأعلم العيال وأجوز البنات وعلى كدا رضا وأبوس إيدى وش وضهر مش هو ده الإستقرار ولا إيه 
طب أنا خايف ع عيالى أبقا مع الإستقرار ولا مع إللى عايزين حرية وقصاص أنا
 خايف بيدمروا الجيش ليه ليه ف إسرائلين وإرانين ع الحدود هعمل إيه ؟
هما ليه بيدمرونا مش مصر دى دوله متخلفة ليه العالم كله باصص عليها ليه إيران 

وإسرائيل وحماس وأمريكا هيدمروا الجيش ليه عندنا شباب خاين ‎‫

أعمل إيه طب وإللى ماتوا دول دول شباب زى الورد وأهاليهم ناس طيبين معقول كانوا 

بيخربوا ولا نزلوا عشان يعملوا فواحش فــ الإعتصامات ؟؟ ولا دول عايزين يخلصونا 

بجد من مبارك والظلم إللى شفنا وبعدين أكيد شفيق عمره ما هيكون زى مبارك لأ لأ 

أبداً (مع إنه هو إللى قتل ولادنا فــ موقعة الجمل ! )

أيوة يا جدعان المواطن المصرى البسيط الإعلام بيخليه يفكر كدا وخصتاً لما يجبله فنانين بيحبهم يقلوله كدا..... طهروا الإعلام وإنزلوا وعوا الناس

دعونا نخاطب المواطن الكادح عبر التلفزيون ونسوقه كالجموسة :D إعلام عايز الحرق بجاز على مر العصور يا جدع !!

إعلامنا عمره ما بينقل الحقيقة بينقلك إللى النظام (المشير - شفيق ) عايزك تشوفه وتسمعه وياخد الشرعية من صوتك وإقتناعك بإللى قالك عليه فيبقا بصوتك إنت شاركت فــ عذابك ....

عارفين بيضحكوا عليكوا ليه عشان إنتوا أقوياء وصوتكم فعلاً ليه قيمة صوتكم بيساوى حرية عشان إنتوا أحرار مش عبيد وهما مستمتعين طول ما إنتوا عبيد ...

عايزين يخلوكوا تشوفوا مبارك ضحية مع إنه سبب فــ أمراضكم من كبد وبائي وسرطان وأمراض الدم والرئة وسبب فــ حرايق قطرات الصعيد وغرق العبارة (عبارة من إللى بتغرق هههههه ) وسبب عذاب أهاليكم فــ المعتقلات وسبب فــ سقوط إبنك ودخوله آي كليه 
سبب إنك مديت إيدك للناس .. فاكر لما ظابط أخدك بالقفا وسط الشارع عشان خبطه غصب عنك 
فاكر لما إنتهكوا حرمتك داخل السجن فاكر لما بكيت على أمك إللى ماتت عشان معرفتش تجبلها الدوا وبقيت حرامى من بعدها ؟؟
فاكر لما سرقت ولما أدمنت المخدرات ولما عصيت ربنا إللى بتحبه عشان تنسي وبردوا مبتنساش أيوه كله بسبب الإعلام القذر
عايزك تموت وتفضل عبد أسير للنظام فوق وإنزل شوف الحقيقة بعينك عشان مصلحة بلدك ....


عارف مثلاً مصطفى كامل لما كلم مصطفى بكرى وقعد يعيط بيقولك إيه ولادى عايزين يخرجوا مش عارف أوديهم النادى فتقوم إنت تعيط وتتأثر مع الموسيقى إللى حطينهالك مع أغنية يا حببتى يا مصر ... بذمتك يا مواطن يا فقير إنت ولادك عمرهم راحوا نادى بالعقل كدا إنت مش لاقى تأكل عيالك عشان ولاد الكلب ياكلوا أكلك فاكر لما بنتك فــ العيد كان نفسها فــ فستان وبتات مقهورة بتعيط وإنت قلبك كان بيتقطع إتفضل بقا التانى بيعيط عشان مش حاسس بالأمان عشان عياله مش هيروحوا النادى مع إنه هيوديهم فــ عربية وفــ النادى حراسة ...
ده إحنا مركز الشباب عندنا مفيهوش ملعب ولا حتى له أبواب ومليان كلاب وعيالنا كل يوم فــ بكاء مستمر عشان نفسهم فـــ كيس بوزو مسرطن بنصف جنية وبردو مش عارفين نديهم النص جنية !! 


واحدة زى عفاف شعيب مش عارفة تأكل ولاد أخوها ريش وبيدزا عشان ولاد الكلب الشعب عايزين يلاقوا لقمة ياكلوها وشويه حرية وعدالة إجتماعية ... ده حقكم يا بشر .... عرفت الإعلام بيسوقك إزاى كيف الجموسة (عذراً ع اللفظ) 


يعنى الفنان والفنانة إللى طلع فــ الإعلام ده مش فارق معاه غير صوتك بس إنت فـــ ستين داهيه موت وإولع بجاز عارف ليه لأنه غنى جداً وله مصالح مع السلطة والنظام لازم يحافظ عليها من خلال صوتك إللى هتديه لشفيق أو وقفتك مع طنطاوى إللى هو مالوش دعوة بالجيش ... يعنى هما إدوك سلعة وقلولك إنت بقرة وإنت وافقت إعلامنا سلعة للبقر وإللى إشترى منه إتختم على قفاه 
فقوا ونضفوا إعلامكم .... وحسبنا الله ونعم الوكيل !!


ودلوقتى أهو قبل إعلان النتيجة ومين الرئيس بيخوفوكم قدر الإمكان وبيعملولك كأن فــ حرب وفتنة حتحصل ومكبرنلك الأحجام بتاعت شفيق وأعدادنا إللى فــ التحرير صغننة أو مش جايبنها فوووق إنت مش بقرة بيعملوا بيها إللى هما عايزينه إستخدم عقلك وحب عيالك وإهلك وشوف إنت عايزهم إزاى وإنزل إعمل إللى يرضى ضميرك كن مع الحق كن مع الدم .....

وادى اللينك بتاع الفديو إللى بينوحوا فيــه عرفتوا ليه بيهجموا الجزيرة عشان ممكن تفوقكم وهما عايزنكم جهلة زى ما إنتوا إختاروا بقا !! بيقلوك يودى العيال النادى ويأكل العيال بيدزا إنت تعرف يعنى إيه بيدزا أصلاً !!

http://www.youtube.com/watch?v=5TZ6TmYYESs&feature=g-all-esi

كــون أسـود

أحـــلامــــى المخيفة ... شوية حزن شوية توهان

من منظور واقعي للعالم لا أرى الكون أسود كما آراه الأن .... أعلم أن به خضار وبه طيبه وربما بعض الجمال إللى على وشك الإنقراض ؛ يعنى عمرى ما شفته أسود زى الأيام دى ..........

أحلامى فى كون أسود :

قبل أن يخيم السواد على عينى كانت أحلامى بتطهير الكون وكانت لدى القدرة على أن أحلم أحلام شخصية نعم أنا مثل جميع الفتيات 

أحلم بأن أعيش حياة أفضل فى مجتمع راقي وأن أرى كل من حولى سعداء ..... وكان حلمى به طفل صغير نعم أحلم بان أكون أم ولم أحلم بأبوه قط .... أعترف بأنى خوافه فــ تلك المسائل الشخصية  بفضل سوادكم ...

وكلما أسود الكون في نظرى أكثر كلما قلت أحلامى الشخصية حتى إنعدامها .... 

وتوصلت إلى إننى أريد إصلاح الكون هذه الأرض السوداء لن أحضر لها أبناء ليكرهونى لماذا يأمى أحضرتينا لهذا العالم الكاذب الأسود ..... 

وأيضاً لأ أريد أن أتعلق بأحدهم لذهاب أحدنا عن الأخر بسبب ذلك الظلام ....

ـــــــــــــــــــــــــــــــــــــــ

لا أدعى المثالية ولكننى خائفة تائهة متخبطة ... كل ما أحلم به أن أموت أو أن أقتل وأنا أصرخ بالحق .......

أريد حياة كريمة لعائلتى لأقاربى لأخى الصغير ... مش عايزة أشوف فقراء أو أشوف فقراء بس مرتاحين بياكلوا وبيشربوا وبيناموا بأدمية من غير قهر ولا ذل :(

حينما يسود العالم أكثر وأكثر آرى إننا لا محال هالكون أنا مش متشائمة إنظروا لمدونتى إنها المتفائلون ف الأرض ولكن أريكم حينما تسود الأكوان فى أعين المتفائلون فلا حياة لا وجود ... لا شئ على الإطلاق ....

أفكر كثيراً بعد إنتهاء النفط فى العالم وجفاف الأنهر بعمل أيدينا وإنتشار الحروب وتلك الصرعات فى العالم الذي يكرهة ذاته ويكرهنا معه ... والقتل والمجاعات والأوبئة والأمراض والفقر والخوف والجهل ......

كيف أجد فى مثل هذا العالم حب ودفئ وآمان ... لكننى أصر على الإستمرار

أصر على إنى أقتبس من أنوارى التى أستمدها من أكوان أخرى أذهب إليها إنى سوف أنير الكون الأسود بنورى بمدد من عند الله بصلاتى على رسوله بإلتزامى بالحب للأشياء قبل البشر .....

لا أكذب عليكم كل أحلامى الشخصية الآن أصبحت أنا الطفلة وضاع ذلك الإبن الذى حلمت به أبكى وأصرخ ولا أحد يسمعنى أركض بين الظلمات لأدخل فى ظلمات أكثر :(

لا أجد حتى أبى ذلك المخلوق الذى يجيد قتلى فكرياً وقتل أحلامى لكنى فى الظلام حقاً أحتاجة أحتاجك يا أبى لتحتضنى بقوة لتمسح بيدك الخشنة على شعرى لتهدئ من روعى أحتاج قبلتك التى لطلما إشمئززت منها :( أحتاج حتى صوتك الذى يثير أعصابى ويفقدى صوابى لتحدثنى أحديثك التى لطلما كرهتها أحتاج سوء ظنك بي ولكن إنتشلنى من السواد يا أبى بين السواد لازلت أحبك :'( .....

أحياناً أنام فى أحد الشوارع بعمود نور على وشك إنه يطفأ وأحلم بالنور وأحلم بدمية جديدة وفستان أبيض به لؤلؤ 

أحلم بأننى ألعب وأجرى بجانب القمر وأنام فوق السحاب وأترك شعرى الذهبى بين السماء والأرض وأعد تلك النجوم بجوار القمر ..... حيث سلام بدأ من قلبى حل على الكون كله ....

ــــــــــــــــــــــــــــــــــــــــــــــــ

هذا العالم الأسود إللى إنتوا السبب فيه لما قولتولى متصرخيش ومتنزليش تانى تطالبى بحقك وإنى مش هعمل حاجة  وسبتونا إمبارح لما إتحرشوا بالبنات إللى نزلت تقول كفاية تحرش قولتوا إننا نستاهل وقعدتوا تبراروا التحرش وسبتونا لو بلدنا رخستنا إنتوا كمان رخستونا أكتر ...... ويستمر العالم فــ السواد حتى فــ الفئات التى تقاتل بجانبى !!

أنا شايفاكم كلكم كذابين وأشرار شايفكم كلكم شياطين بتنهش فيا وكله عايز منى حته أنا مش ضعيفة أنا قوية وبكرا تشوفوا هجيب حقى وهعيش وأتنفس ومش بس هخلى مصر مكان أفضل أنا هخلى الكون مكان أفضل .... يارب السلام سلم الكون وإنشر الخير 

أنا نور وهنشر نورى أنا شمس .... يا كل شطان خاف منى عشان هحرقك وإللى عايز يعيش منكم يلحق يستخبى أنا مش هرحم إللى مرحمنيش لما طلبت أعيش وإتقتلت مليون مرة وده دورى هلعبه وهكسبه ......

النصر ليا ..... النصر للنور

أنا مش متشائمة أنا هتفائل بالخير عشان هلاقيه متفائلة يوم الكــون راح ينور ... ومهما يطول الظلام الشمس بتطلع ....

أنا قمر ظهر نوره لما الظلام إشتد .......... :) النصر للأنوار ....