هنضف بيتنا - تسقط دولة نظام مبارك

الثورة القادمة أقوى - ثورة شعب معندوش حاجة يخسرها
وإنسوا سلمية خالتكم ....


كل لما أجى أنضف بتنا ببص على السجاجيد بعتقد إنها نضيفة يدوبك الحاجات عليها تراب وبتخنق جداً من ماما لما بتقولى لازم نشيل السجاجيد ننضفها ونمسح تحتيها كويس وقبل لما نمسج لازم نكنس .....


مع إن الوضع قدامى يبدو مستقر والوساخة مش كتير يدوبك نشفط بالمكنسة الكهربائية ونفض بآى فوطة وخلاص ....
كبرت بقا وبقيت أنضف لوحدى ولوحدى فهمت نظرية ماما فى تنضيف البيت 


أيوة ممكن أشفط التراب إللى على وش السجاجيد وأمسح التراب بفوطة بس لما بشيل السجادة بلاقى تحتيها كمية تراب بشعة وكمان لازم السجادة تتنفض مينفعش ترجع على البلاط إللى إتكنس وإتمسح من غير ما تتنفض عشان أضمن إن مفيهاش تراب


طب والأرض مينفعش نمسح بالماية من غير ما نكنس عشان متعملش طينة وتعمل وساخة أكبر من إللى كانت موجودة ...
وبعدين نفرش بقا على نضافة كل حاجة نضيفة بنرجعاها مكانها والحاجات القذرة بنضفها (إعادة تأهيل- إعادة هيكله "إللى يريحكوا" ) والحاجات إللى متنفعش خالص بنرميها ....
ــــــــــــــــــــــــــــــــــــــــ
أم هند أو القصد حلوة أم هند دى صح :D هع هع

ينفع مصر ترجع تمشى بنظام مبارك تانى أكيد لأ ينفع الناس بدل لما تروح القسم عشان يجيبوا حقهم يروحوا يتعذبوا وتتهان كرامتهم وتهتك أعراض نسائهم ويعترفوا من كتر العذاب على جرائم لم يرتكبوها ؟
طب ينفع تبقا ماشى فى الشارع وينزل على وشك ألم من أمين شرطة لا راح ولا جه بدون أى سبب ؟
طب ينفع الحكومة كل يوم تعملك أزمة وهى بتضيع فى ثروات البلد ؟
طب ينفع أطفالنا وولدنا يموتوا من الجوع ومن المرض والسرطان كل يوم بسبب التلوث إللى ناتج عن إهمال الحكومة ؟
طب ينفع تتهان تانى بعد ما قلت إرفع راسك فوق إنت مصرى ؟
ينفع تبقا بنتك ماشية فى الشارع فيقوم يتحرش بيها ضابط ومتقدرش تفتح بقك ؟
مش هقول ينفع لأن لحد دلوقتى الفقراء وساكنى القبور وساكنى العشش الفقر بالنسبه ليهم رفاهية والله الناس بتاكل من الزبالة والزبالة أقسم بالله لم يعد فيها ما يؤكل ..... ينفع تسيب أهلك ياكلوا من الزبالة ؟؟
ينفع تبقا واطى ومن غير كرامة ؟ ينفع ترجع تشتم نفسك وتهين كرامتك وتسجد للمجلس العسكرى ؟ عشان أزمات هو إفتعلها 
لأ مينفعش إنت مصرى حر ودمك غالى حتى لو إنت جاهل ومش متعلم حتى لو إنت حرامى لسه ليك فرصة تتعلم وليك فرصة تتوب وتبقا بجد مواطن محترم شريف عارف إمتى ؟؟ لما الثورة أملك تنتصر أقسم لك هى الأمل بعد الله بدماء الشهداء 
طب ينفع تفرط فى الدم إللى سال فى الشارع ؟
مبتتكسفش وإنتا ماشى فى الميادين وبتدوس على الأرض الدم إللى سال ده أطهر مننا جميعاً ...


عشان كدا مينفعش نبنى على وساخة مينفعش نبنى فى وجود المجلس العسكرى مينفعش نتعلم وناكل ونشرب وفلوول النظام إللى المفروض يكونوا إتعدموا لأنهم قتلونا حتى من قبل الثورة لسه موجودين زى عمر سليمان وشفيق وبكرى 
والمشير طنطاوى أكبر دليل إنه من النظام السابق كان كل ما تحصل زمان قبل الثورة كارثة أو عمل إرهابى يقولك بلاد العالم كلها بيحصل فيها كدا وده إللى قاله المشير ساعة أحداث بور سعيد إللى قتل فيها شبابنا .. أيوة هو إللى قاتلهم وكمان هو السبب فى حرق السويس .....
يعنى مش هينفع نلبس على وساخة ولا عرق عشان ميجيش للبلد تسلخات نستحما وبعدين نلبس بإختصار المشير هو السبب فى كل إللى إحنا فيه بيقتل ولدنا وبيفتعل الأزمات زى الأنابيب والغاز والسولار وهو إللى فى إيده مفتاح عجلة الإنتاج يعنى المشير المفروض يكون فى السجن دلوقتى وقبل مرور العام ده كان المفروض يكون إتعدم لأنه قاتل ... هو وسليمان وشفيق والتمنتاشر فرد فى المجلس العسكرى لأنهم المسؤلين عن البلد ...


عرفتوا بقا إيه المطلوب ننضف البلد وبعدين نبنى مينفعش نبنى على وساخة وعلى فلول وعلى النظام السابق وفى وجود المجلس العسكرى إللى هو مالوش دعوة بالجيش خالص ....
أصل إحنا قطعنا رأس الشجرة وسبنا جذورها المعفنة .... معلش أنا عارفة إنكوا تعبتوا بس الحرية مش ببلاش وعارفين لو سكتوا المرة دى هتتهانوا أكتر من الأول 
يلا نرجع إيد واحدة وننزل نهتف ضد العسكر والله لسه فى أمل بيكوا وبينا الثورة أمل إتحدوا إتحدنا قوة :) 
هننزل يوم 20 -4 مصريين من غير أى تفرقة لا بأحزاب ولا حركات ولا ديانات هننزل مصرين ضد العسكر يسقط يسقط حكم العسكر 


لو رجعنا دلوقتى فى ثورتنا وقعدنا عارفين كأننا عملنا إيه كأننا مسحنا من غير ما نكنس فعملت طينة يعنى وساخة أكبر وأكتر ودول ناس معندهمش ضمير وصهاينة ومش هيخافوا ربنا فيكوا والدليل بيقتلوكوا وإنتوا مش لاقين الهدمة إللى عليكوا ولا لاقين تاكلوا أصلاً وعشان تكونوا عارفين هما خايفين منكم أنا بكلم الفقراء إللى الفقر بالنسبالهم رفاهيه الثورة القادمة للناس إللى معندهم حاجة تخسرها يعنى هتنزلوا تخلصوا عليها 
عارفين بقايا النظام السابق والمشير والمجلس العسكرى عاملين زى إيه ؟؟ زى الدبيحة إللى إدبحت وفاكرة إنها لسه هتعيش وعماله ترفس هنا وهنا وتضرب برجلها وديلها فى كل حته مع إنها بتموت خلاص .... يلا إقطعوا راسها بقا ...

وتفائلوا بالخير تجدوه والله هننتصر .... بس إحنا نحلم (ثورتنا بدأت بحلم) ربنا يرحمك يا خالد ويا مينا وياشهداء العبارة وشهداء قطر الصعيد وغيرهم كتير ..........

كلام مبيتفهمش . . .

لحظة بدون تفكير لحظة سلام ...

أنا عارفانى بس عايزة ألاقينى وأخرجنى للعالم ...

مؤخراً لم أعد أنعم بالهدوء ولا الراحة لم أعد أرغب فى شئ ،أريد شئ واحد بشده أن أفعل اللاشئ

كلما أقتربت من لحظة سلام اسمع صوت أبى أو أمى يخبرانى بأشياء لا أكترث لها وهم أيضاً لا يكترثون لها ..

أرغب بشده أن أخُرج ذلك الوحش القبيح الذى يبكى بداخلى أريد أن أنعم بلحظات سلام ولا أنتظر ما بعد تلك اللحظات

أريد أنا أسمع صوت الجبال تهمس لي بكلمات لا أفهمها بلغات سحرية
أريد أن يكسو الماء جسدى فيصبح ثوب لى

أريد أن تداعب عينى وشحمات أذنى الهواء بأوراق الورود الهائمة فى سماء الجو

أرغب بشده فى سماع قصص منهم بأصواتهم العذبه التى تصنع منهم كيان واحد ..

سوف أحتضن الماء وأضع رأسى بين أحضان الجبال وسوف يحرك شعرى نسمات من الهواء

كل ذلك فى اللا المكان واللازمان حيث لابشر حيث لاوجود حيث أنا وأفكارى ..

أريد بعض السكينه مع السماء ونجومها أقسم أن النجوم تتحدث معى يومياً وأن القمر يغار منى حيناً ولكنه

يحبنى تحدثت له ذات مساء كنت فى حشد كبير لكنى تلك الليله أستطعت أن أهرب بسلامى الداخلى

حيث أصبحت وحيده وأنفرد بى ذلك القمر عاتبنى على أنغام وصوت فيروز (نحنا والقمر جيران)

بينما هم يهتفون فى الليل أنا وقمرى كنا نتغزل بعضنا الآخر كنت أنظر إليه فى عتاب لماذا تغار منى؟

بينما أنت فريد من نوعك  فأنظر كم من فتاة بلهاء مثلى فى ذلك الكون المديد .. لم يخاطبنى ..

يغازلنى لم أدرى حينها أأنا التى أرتفعت لأصل إليه أم هو الذى هبط لتكون ملامحه أمام عينى مباشرة ..

كادت عينى تلتصق بمغناطيس بعينيه لم أبالى لمن يقفون بجانبى سوى لحبيب اليوم القمر ...

وأستيقظت من سلامى الداخلى بأصوات "يلا" وخرجت من عالمى السحرى الذى أجد ذاتى به..

حينها أبتعد القمر فى حزن وتبدلت ملامحه وملامحى أيضاً ومنذ ذاك الوقت لم أتكلم مع أحد ولا أريد أن أتحدث سوى أن أهمس للجبال كما تهمس فى أذنى ويقشعر جسدى لدفئ أنفاس الجبال ..

دائماً أصل لسلامى الداخلى مع أصدقائى ... مؤخراً لا أدرى أين هم؟ .. أين أنا منهم؟ مؤخراً لم أعد آرى سمكاتى الذهبية التى تسبح فى أنيه الفضة المعلقة على الجدران أسقطت الآنيه أم هم يتخلون عنى ..

إسراء هكذا هى صديقة أعجز عن وصفها أميرة تتحرك  لها القلوب حاولت فرسان من جميع الأكوان كسب حبها ولكنها تأبى إنها قوية تتمتع بالحسن والجمال والصدق وأحياناً الحكمة قد لا تتحدث معى حينما أغضب ظناً منها أننى هكذا مستريحه ولكن هى لا تعلم كم أتوق فى تلك اللحظات أن أسمع صوتها

هبه هى الملكة لا تتكلم فقط هى تفكر تحلم ونحن ننفذ بعيناها الحالمتين السودوين

تغرقنا فى بحر من لؤلؤ أسود لم يراها أحد ولا يعرفها أحد كما أعرفها هناك نافذه بين عيناها

تلك النافذه تطل على أفكارها وهناك تجدونى أنام على سرير من الأفكار والأحلام ..

هبه ذاتك فى حد ذاتك سحر

ذلك السلام وتلك المملكة لا تأتى سوى معهم ومنهم آلان وقد تملكتنا الأحزان لم أعد أجدنا ولا أجد سحرى فقد فقدت سحرى كلياً

قد تكون أفكارى سذاجه فأنا فى عالمكم الواقعى لا أعرف أن أتحدث ولا كيف أشكو أستحى وأبكى فقط أبكى تلك الانا التى تكتب تلك الكلمات هى التى أبحث عنها هذه هى ذاتى التى أبحث عنها ..

أنا أظهر من خلال الكتابات فى العوالم الإفتراضيه لا أظهر فى الواقع لا أعلم متى أظهر فى الواقع كما أحدثكم بإفترضيه ..

فى عالمي البعيد أعيش أسبح فى كونى على أجنحة الشهداء وأنام على حكايات أنس الشهيد ..

وأستمع يومياً لقراءة القرأن بصوت الشيخ عماد وأصحوا على إشراق الشمس مع إبتسامه مينا .

الآن لم أعد أجد السلام بداخلى بدأ ذلك الوحش البغيض الأنانى القبيح بداخلى يلتهم مملكتى يسرقنى يسرق أحلامى القمر أنقذنى من موت محقق منذ يومين نظر لى وقال لن أتركك

همست الجبال بصوت رجل هادئ حكيم ربك كبير جائت الأشجار مع الهواء ووقفت مخلوقات بحرية عجيبة الجمال لتنظر إلى الأشجار تمسح دموعى التى تحولت إلى ماسات صغيرة فى تساقطها بينما بدأت المياه التى تكسونى كثوب فضى تضع يدها بدفئ على قلبى حينها نزل القمر فى جسد مفتول العضلات لكى يحتضننى ومد يديه ليخترق قلبى وشعرت بالبرد فى قلبى ليشفى تلك الجراح وكل المخلوقات تنظر فى صمت

وأنا حينها لم أفكر فى شئ ، أخرج يديه لم آرى ماذا بداخلها ولكنه وضع ذلك الشئ الذى أخرجه من قلبى فى صندوق من زجاج صنع فى هذه اللحظة من ماسات دموعى المنهمرة

وقالها القمر لى حينما تصلى إلى السلام بداخلك وتجدى تلك الانا التى لطلما إنتظرتى لقائها سوف ينكسر الزجاج بسحرك وبدأ الكون فى التلاشي وكل شئ يعود أدراجه ويصغر ويرجع إلى الخلف حيث أجد نفسي 

أبكى فى عالمكم عند سور مجلس الشعب وأبدأً فى الهرولة والجرى عائده إلى المنزل .

ـــــــــــــــــــــــــــــــــــــــــــــــ

لا أدرى متى سوف ينكسر صندوقى الزجاجى الماسى لا أدرى متى سوف أجد تلك الانا لا أدرى من أنا

وماذا حقاً أكون لا أدرى متى سوف يتوقف الوحش بداخلى عن الصراخ والنواح

لكنى أدرى أنا الله معى وأنى أعشق صديقاتى وأعشق المخلوقات التى أجدها طوال طريقى تحدثنى من جبال وسماء ونجوم وأشجار وأجد فيها الله يخبرنى أننى سوف أجدنى

يخبرنى أننى على حق وأنى لمنتصرة وأنى لن أتخلى عن القضايا التى تشغلنى وإننى فى المكان الصحيح

ـــــــــــــــــــــــــــــــــــــــ

مؤخراً أنا لا أنعم بالسلام الداخلى ضحكاتى مصتنعه كاذبه صمتى حينما تكسره الكلمات أتفوه بحماقات

مؤخراً لا أجد راحتى فى أى مكان مؤخراً أنا لا أنعم سوى بالنوم .....

أحدثني قليلاً

مؤخراً لم اعد أعرفني


كل ما أعرفه ....
أريد أن أتوقف حيث اللازمــان وأجلس ولا أفعل شيئاً
حيث لا تتوارد الأفكار داخل عقلى ... أفكار أفكار أفكار ومن كل فكرة تولد أفكار ولا تنتهى تلك الدائرة الملعونة ..

نموت حينما تموت عقولنا لا قلوبنا ..
كم أبتسم وبعقلى أفكار تلُـمنى على تلك الإبتسامات ! كم ضحكت وأفكارى بداخل تلك الرأس تؤلمنى بقولها
يالك من مخادعة بضحكات كاذبه !!!


أتمنى أن أفصح مع أحدهم -آى أحد- عما يدور بداخل تلك الرأس ولكن تأبى أفكارى عن الفصح ..

فرق أنا أعرفنى وفرق أن أجدنى ..
حقاً أعرفنى حينما أثرثر معي بداخلى بورقة وقلم أو فى تلك الملاحظات الإلكترونية .. وقد أفصح عن أحزاني لنفسي


لكني أجد ذاتى من تحقيق أفكارى التى تتحول إلى أهداف أجد ذاتى ولا سخرية فى المسائر (خاصة التى لا أعرف فيها أحد)
أجد ذاتى حينما أهتف بصوت عال أجد ذاتى حينما يهتفون أسكت وأغمض عيناى كى أستمع لذلك السحر العجيب .....


آلان أنا لا أعرفنى ولا أجدنى تراكمت أحزانى ربما هى أحزان سابقة ولكني أعلم إننى حزينة إن هتافى أصبح منخفض

وهناك من نسي فكرة الحرية وفكرة دمائنا التى سالت فى الشوارع


ولذلك أريد لمدة دقيقة ألا تآتى أفكار إلى عقلى دقيقة واحدة بالله عليكم ...
أريد أن أشعر بالسلام الداخلى لمده دقيقة

سوف أتمسك بتفائلى حتى تآتى وبعد أن تذهب :) تفائلوا بالخير تجدوه
هناك نهاية للحزان وللآلم وللشرور والأوجاع ...

طـــــــــــــظ

جرعة مكثفة من طــــــــظ ......


خايفين من إيه قلبتوا الآيه ليه هو فى حق بيخاف من باطل ؟


مين عمر سليمان يعنى إنتو مدينوا أكبر من حجمه ده سفاح والسفاح مكانه الطبيعى 
السجن ومن بعد السجن التُربة !!
وهو ده سبب من أسباب إللى جايبانا لوارا إن إحنا شعب ..... لمواخذة


يأما بنصنع ديكتاتور بالتعظيم وكأنه آله ولنا فى أنصار أبو أسماعين أمثلاً ده مينفعش ننتقده حتى وده إللى كان حاصل مع موبااريك 
يأما بقا بنصنع وحش وتنين نافس نيران ومازنجر وتراسفورمرز كمان من بهيم وده إللى إنتو بتعملوه دلوقتى ...


قالك عمر سليمان طـــــــــــــــــظ !!


عمر سليمان سفاح وقاتل وإحنا الحق يعنى هنجيب حقنا من عينه وهنعدمه هو والمشير هما مش قتله ؟؟؟! يبقا إعدام
وإللى إدا فرصه إن المشير والتمنتاشر قاتل يفضلوا ماسكنها وإللى واخدين الدين سلعه وقتله وحرامية يترشحوا للريئاسه هو سكوتنا
وقالك الإستقرار إشرابوا بقا ومتقعدوش تولولوا زى الولااايه كدا عشان عيب إنتو عملتوا كدا عشان شعب إتعود ع الإهانه والسكوت 




أنا ضميري مستريح الحمد لله مش ناوية أعيش مذلولة ولا عينى مكسورة وناوية أموت مقتوله ..


إتحدنا قوة ضد الحرامية والسفاحين القتله دول فوقوا لو عايزين إستقرار بجد وعايزين تعيشوا وإلا إللى جاى بجد هنمووت إحنا وإنتوا هتعيشوا ساجدين مذلولين .... ومحدش هيتكلم يجيب حقوكم ما إنتوا إللى طلبتوا الإهانة ورضيتوا بالذل ...


دول باطل وإحنا الحق والحق قوى متصنعوش من قاتل وحش على الفاضى إتحدوا وخليكوا فى النور إننا لمنتصرون 
وطــــــظ فى عمر سليمان مش خايفين مين يعنى هو مش ليه رب قادر عليه وإحنا صوتنا بيدمره ده إنت أخرتك سوده إنت والمشير وأبوكو موباريك :D :D 
يسقط يسقط حكم العسكر والشعب يريد إعدام كل خائن :P :P 


يا حق يا شهيد يا ثوار أنتم نور تفائلوا بالخير تجدوه أنا متفائله :) 
هنجيب حقنا وهتعيشى يا مصر ولو كرهة الكلااااب