فكر قادم من تحت الثرى..
معقول بعد الثورة بعد لما كنا عيال بناطيل ساقطة وبلاى ستاشن وفلوس بالنسبة للولاد إللى بقوا مع الثورة رجالة
وبالنسبة للبنات ميكاب ولبس وخروجات إللى بقوا مع الثورة بنات بميت راجل
لسه بيتقال علينا عيال ولسه بيتقال علينا سيس ومبنعرفش نعمل حاجة ومش عايزين يدونا حرية فى إننا نعبر ونقول رأينا ونقرر مصرينا عيب طب قومى يا ثورة . . . .
إحنا مش سيس يا قلوب شايخة فى جسم متهالك وشعر شايب . . . .
داخل أسوار الكلية :
مش مجرد بقا نظرة الدكاترة لينا والمعيدين ورؤساء الجامعات على إننا جاين نلعب ونهزر ونحب إحنا جاين نتعلم ونتناقش ونقرأ ونقول آرانا إللى هى أهم من إللى بيعلمونا أصلاً . . .
بيتم تجاهلنا تماماً داخل أسوار الكلية وبيتم التعامل معنا كأننا صراصير مش لمجرد إن إحنا عيال وسيس لأ عشان الدكاترة لما بتعلمنا بيتفضلوا علينا بإنهم بيعلمونا .... الناس دى نسيت إنهم بيأدوا رسالة
الأبشع بقا إللى أنا أكتشفته إيه بقا :
لى حد قريب منى هو دكتور داخل الجامعة سبحان الله سنه مش صغير أوى بس فى الأكبر منه من الدكاترة لما بيقول رأيه وسطهم بيرفضوه عشان هو صغير فى السن وهما عندهم ستينات وسبعينات كدا هع هع هع
المهم بعد الثورة الحد إللى بقولكم عليه إقترح كفاية علينا إحنا كدا وندى فرصة للدكاترة الشباب والمعدين الفرصة فى كذا وكذا كان الرد على الدكتور صغير السن ده الرفد من وسطهم
ولما راح لرأيس الجامعة المنتخب حديثاً معملوش حاجة طب قومى يا ثورة الفلول موجودين والفكر العواجيزى مسيطر . . . على التعليم ده التعليم عايز إبداع مش ناس بتمشى بالايحة والرئيس قال وعاد .
أين نحن من الإبداع
العمر خبرة:
لا يقبل أصحاب الشعر الشايب فكرة إن حد صغير السن يتفوق عليهم ولا يعمل فكرة إبداعية ولا يروح يمثلهم أمام حد أصله صغير فى السن
عارفة إن العمر ده خبرة بس خلاص بقا خبرة قديمة من أيام الملك يا عزيز أفندى :D إنما دلوقتى الخبرة فى الشباب إللى داير ولافف وعارف يعنى إيه بهدلة بجد مش لايحة عواجيزى وسمعاً وطاع لما دكتور عند 40 سنة وسط دكاترة عندهم 60 سنة يبقا صغير لما أنا إللى عندى 19 سنة أروح أكلمهم أكيد كأنى شياً لم يكن
آرائنا :
بالنسب لهم آرائنا كالعدم إنها لا شئ لا شئ على الإطلاق إنتم عيال عيال لأ وسيس كمان إيه يابت إللى إنتى عماله فى شكلك ده إيه يا واد إللى إنت عامله فى شعرك ده
يا دكتور بعد إذنك إرفض فكرى ولا ترفضنى وأنا حرة فى شكلى ليه مستصغر رأي ؟ إسمعنى طب إطلعى برا إنتى بتعترضى على كلامى وهكذا هى المحاضرة تستمع فيها لرأي شايب الرأس . . . . فقط
التقليل من حبنا لوطنا :
بلاش إللى بتعملوه دا حبوا بلدكوا شوية وخافوا عليها دى مصر .... وخد من الكلام ده كتير
دايماً بيقللوا من وطنيتنا ومن حبنا لمصر على فكرة أنا بعشق طينة مصر وقرفها ودبنها ولما بنزل وإنتوا بتفتكرونا بنخرب بنكون واقفين وفاتحين صدورنا للموت عشان بنحب مصر ومدام يا عجوز يا أبو شعر شايب مش عارف الحقيقة ما تنزل تشوف بعينك إللى هياكولها الدود قريب !!
لما ميلاقوش فينا غلطة بقا يقولك عندكوا حماس زايد وده غلط :
بلاش الحماس الزايد ده هيوديكوا فى داهيه إحنا أكبر منكم إسمعوا مننا ؛ عارفين إنكوا عايزين تشتغلوا وتعملوا متسمعوش كلام أى حد بيضحكوا عليكوا ..... خلنالكوا التلفزيون المصرى إللى مش بيضحك عليكوا
تانى مرة أكشن يا راجل يا عجوز منخيرك قد الكوز إنزل وشوف االحقيقة بعيونك إللى هتكولها الدود قريب بردو :D
بيقولك بقا إن إحنا كا شباب مش بنشوف الصورة كاملة:
هأو هههأأأو
طب بعيداً عن التلفزيون المصرى بيقولولنا إيه إللى أكبر منك بسنة أنا بقا إللى ينزل الميدان قبلك بساعة أكبر منك بدهور شئ لن يعلمه الشايب أبو شعر بفته وسنان واقعة
وأنا كمان معرفش أتكلم عنها وصف الميدان ده عامل زى وصف الجنة مين يقدر يوصف الجنة ولا حد !! : )
أسهل كلمة بتتقال بلطجية شوية عيال مخربين حماس زيادة مش فاهمين مش بيحبوا البلد فمتسمعش رأيهم وربيهم عيال محتاجين رباية
ع فكرة :D
مش شرط يكون العجوز ده من الحكومة المريضة إللى على جهاز الإنعاش ممكن يكون من أقاربك يكون أبوك أخوك أمك يكون دكتور فى الجامعة يكون فى الميكروباص ولعلمك ممكن يكون أوى شاب بس قلبه عجوز رافض يفهم ويسمع وبيقولك خربت البلد .
واخيراً يتميز الشباب بالحلم والحرية والخيال والتجديد يعنى عندنا الجديد طظ فى كل عجوز فاسد وفى كل فله ماتسبش حلمك متسبش أملك وعشان إنت صح وعشان إنت فريد ونادر من نوعك كله بيحاربك كله ضدك والحق دايماً بيقابل الرفض والنقد وبكرة تشوف العواجيز دول لما نحقق أحلمنا هيقولك إيه !
وعشان إنت شباب إوعا تحبط ولا تيأس وإياك متحلمش : ) ده الحلم هو إللى بيحرر إطلق العنان لأحلامك مع عملك وتحرر من قيود الرأس الشايب يا أبو قلب وعقل وفكر وحلم شباب ..
ووأخيراً تفائلوا بالخير تجدوه .... : )
