حلمى أنا فى عيون الناس . . .

مالك يا مريم فيه إيه ؟؟؟؟

محدش هيسرق أملى وهفضل متفائلة ولو كره الحلم نفسه

عن صمت قاتل :

صعب كل يوم أمشى بين محبطين وأحسهم ع الأمل ويحبطونى

صعب أروح أتكلم مع حد كان بيشجعنى على كل إللى بعمله ويقولى دلوقتى ولا هتعملوا حاجة

صعب أقابل حد بحترمه عشان نضاله وعشان هو ممن يدافعون عن حقوق الناس فألقيه منهزم وبيقولي ولا هنعمل حاجة وهنضيع كلنا !!!!

صعب كل يوم فى طريق الجامعة ورجوعى منها ألاقى محبطين وناس مابتضحكش وفقراء وغير خنقاتى اليومية مع أصحاب العقول الهاوية إللى بيدايق أجانب وإللى بيطلع من باب النزول فى المترو وإللى بيتف على الأرض

وإللى يتحرش وإللى بيحدق فيا وإللى بيسرق
إيه حالة الإحباط العامة دي؟! عار عار عليكم

ويكمل يومى بأنى فى إعتصام عندنا فى الجامعة ضد عودة لائحة أمن الدولة واحد من المعتصمين بيقولى على تفائلى شئ من الخيال وبلاش أحلام وإننا منتصرناش !!!!!!!!

حتى أنت ده إنت معتصم !!

واحد ثورجى أعرفه بيقولى هنفضل نضحى لحد إمتى !!!!!!

أنا آسفة بس هو إنتو إتجننتوا ولو أتجننتوا إيأسوا بعيد عنى أنا هفضل متفالئة محدش هيسرق تفائولى محدش هيقتل أملى والله لو فضلت لوحدى ومحدش مشاركنى فكرتى لو ماتقتلتش هنتصر والله هنتصر إحنا حق والحق قوى وظاهر . . . . الثورة ضد اليأس ولا تيأسوا من رحمة الله  .

النور :

التفاؤل والأمل نور ما تيجوا ننوّر كلنا بلاش يأس ولو يأست متأثرش عليا إبعد عنى أنا متفائلة ومؤمنة بنفسي ده ربنا أقسم بيا وحملنى المسؤلية أنا متفائلة يارب هتنصرنا أنا واثقة فيك

متقوليش يا مريم إن ده هو إللى مدايقك :

بيدايقنى إن فينا ناس ثورجية يأست ده إنت لما كنا فى الميدان كنت بتقولى لأ إرجعى ورا أنا مكانى قدام روحى عالجى الناس وكنت بتهتف وسط الظلام ده كانت أصواتكم هيا الأمل جوا قلبى : ( دلوقتى عشان فى ناس فقدت أصحابها مش قادرين يكملوا يأسوا إن فى عدل وفى كرامة وإن فيه حرية

طب ياللى يأست عشان مش عارف تجيب حقك وحق إللى مات منك طب متبقى إنت العدل والحق والنور ما تنور قلبك ونور إللى حواليك . . . صدقنى إنت مش وحيد : )

أمال إللى فقد عين ورجل ومش عارف يقعد حتى ولسه عنده أمل يعمل إيه بارك الله كل صاحب فكرة وأمل ومتفائل : ) النصر للمتفائلين العاملين

أممممممممممم معرفش كلامى ده ليه قيمة ولا لأ بس أنا بكلم كذا حد وبفضفض مع نفسي بس عايزة أقولك حاجة بعد أن رأيت اليأس فيك وحزن فى كلامك إللى بيقول مش هنعمل حاجة ووهم السلمية التى لا تحقق شئ ربنا حق وعدل ودم الناس مش هيروح وعشان ضميرك يستريح ماتسكتش إنزل وأشتغل وحوط نفسك بالمتفائلين العاملين وقول يارب : )

بعد أسبوع من محاولات ناس كتير إنها تحبطنى وأنتهت بأخ لى للأسف فى طريق عودتى للبيت فضلت أعيط وسط الناس زى المجنونة وأقولهم أقسم لكم إننا حق إننا نور الحق بيـين والباطل بردو معروف إنو باطل فأتبعوا الحق وهاتوا حق الناس إللى نزلوا عشان حريتكم عيش حرية عدالة إجتماعية كرامة إنسانية

وهتفوا عشان قلبكوا يتحرر وبلاش يأس

وروحت كتبت الكلام ده إللى قرأ قرأ وإللى مقرأش مقرأش أنا بوصل فكرتى إنى مهما تحولوا تسرقوا أملى وتقتلوا حلمى أنا لو مت فكرتى قوية هكتبها هنشرها هعلمها لكل الناس

ولو مامتش والله هنتصر الحق قوى ده ربنا حق وعدل

ويسقط كل فاسد ...

وع فكرة كل واحد يأس وكل واحد متشائم وكل واحد خايف دى خيانة للشهداء وخيانة للثورة وخيانة للثوار

لا تيأسوا من روح الله ولا تقنتوا من رحمة الله واخيراً تفائلوا بالخير تجدوه.