أنا المجلس العسكرى أبو 19 فرد
لى الحرية فى إنتهاك أى حق قتل كذب نفاق سرقة كشف عذرية التلاعب بالأرواح تعذيب خلى الناس تكره الجييش
وفيها إيه يعنى المهم أخرج خروج أمن ؛؛ خلي الإعلام فى صفي خليه معايا أنزل الشارع بالبدلة فيقولوا
ونابى ينفع رئيس عسول
أقتل وأطلع فى الإعلام بتاعى وأقول أنا راجل صادق ومرة تانية مقتلناش حد وتالت إحنا صابرين عليكوا
أما إحنا شعب جاحد صحيح إزاى منصدقش مجلس عسكرى بشرطة عسكرية إتربوا فى أحضان نظام مبارك
إللى عمره ما كان نظام داعر فاسق عمره ما كشف على عذرية البنات بس لأ ده كمان كان بيكشف على عذرية الرجال . . . .
فطبعاً لازم نصدق كل رجال النظام السابق أصلهم يا عينى كانوا مغلوبين على أمورهم مع إنهم قاعدين فى
وزارات النظام إللى نايم فى المستشفى وبياكل سوشى أكتر من ستين سنة (قول والمصحف) أوومااااااااال !
أما إنتوا شعب نمرود لازم ياخد بالجزمة شعب بلطجى مش أسقطوا النظام والجيش والشعب إيد واحدة
بس كفاية كذب أنا كنت هناك فى موقع الجمل لما الجيش نزل شافنى وأنا بستنجد بيه وبغرق فى نوم لا رجعة منه
إلحقنى يا أخويا إلحقنى يا جيشى إحمينى إحمينى الجيش ما مدش إيده يلحقنى . . . يعنى وقف حياد
يا كذابين الشعب المصرى هو إللى حما الثورة أنا فاكر إتصلت بأختى يوميها ثبتتنى قالتلى خليك راجل إثبت هناك
نادى بحقنا وإحنا هنا واقفين تحت البيت أى كلب الحكومة خرجته علينا هنطلع عنيه
إحنا بردو جنود بالفطرة ده إحنا خير أجناد الأرض . . . .
رد المجلس العسكرى الصادق إللى مستحمل قرف الشعب إقتلوهم كهربوهم إكشفوا على عذرية بناتهم
رد المجلس العسكرى الصادق إللى مستحمل قرف الشعب إقتلوهم كهربوهم إكشفوا على عذرية بناتهم
محكمات عسكرية ضيعوا مستقبلهم . . . .
أما شعب نمرود صحيح . . . . . .
إنــتـــهـــكـــات الـــشـــعـــب الـــمـــصــــــرى :-
مش عاجبه المحكمات العسكري إللى بتتنفذ فوراً
مش عاجبه القتل إللى بيخلصنا من البلطجي
مش عاجبه فقع عيون شباب وداكتره بلطجية
مش عاجبه سحل بنات وتعريتهم عشان بندافع عنهم
مش عاجبه قتل الدكاتره إللى بتعالج البلطجية
مش عاجبه محاكمة بيطلع فيها إبليس نايم وسبابته فى أنفه
مش عاجبه تصدير الغاز للى قتلونا
مش عاجبة تصدير الأنابيب للجماعة المحظورة عشان تبيعها للناس
مش عاجبه إن المشير (الصادق) بيقول شهادة حق وبينزل بالبدله
مش عاجبه مجلس الشعب إللى مش مزور
مش عاجبه الإعلام التابع للعسكر
مش عاجبه قتل المهندسين إللى بيهتفوا ضد العسكر
مش عاجبه رغيف العيش إللى مش لاقيه أصلاً
يعنى إيه عايزين تجبوا حق إللى ماتوا يعنى إيه عايزين حرية وعدالة إجتماعية يعنى إيه عايزين تعيشوا بنى آدمين يعنى إيه عايزين تبقوا شعب ويحكمكم رئيس بالعدل
آه يا شعب نمرود تمرضتم على أسيادكم كان الراجل بيحكمكم بعينه أكثر من ثلاثين عاماً
طيب إحنا هنوريكم إنزلى يا شرطة إسفكى دمائهم طب ندموهم على اليوم إللى خرجوا فيه وإحنا يا بابا إنتوا يا شرطة عسكرية يلا خلى العيال تلعب
طلعى ميتين أبوهم إسحلوهم إفقدوهم الحواس
طب وإحنا يا عمو إنت يا إعلام طلعهم بتوع جنس وحشيش وعيال متربتش طب والمصاصة تاخد مليون مصاصة وبنبونى بس لما تصورنى صدفة وأنا ماشى بالبدلة وتقول ونابى مش ينفع يبقا رئيس عسول ...
طب وإللى يقول رآيه إسجنوه خرجوه من كليته على السجن الحربى طب لو بنت طلعوها فاقده لعذريتها
هاتوا أى حد ولفقوا فى القضايا ومحدش يقول الله يرحمك يا آمن الدولة الشرطة العسكرية تلميذ نجيب
أما شعب نمرود كل دى نعم عايشينها وبردو بتهتفوا ضد الجيش فى سلمية ؟؟؟؟
إحنا شعب عايز حقه ومهتفناش ضد الجيش إحنا بنتكلم على مجلس عسكرى مكون من 19 قاتل
وهنفضل سلميين صوتنا أعلى من القنابل صوتنا أقوى من الرصاص
وإنتوا معاكوا قتله وبتدافعوا عن ملاعين بس لا عجب ماهو الأبن بيدافع عن أبوه ولى نعمته
وإحنا معانا القوى معانا الحى الذى لا يموت بكرة وبكرة مش بعيد ربنا هينصرنا على إللى قتلونا وإللى كاشفوا على عذريتنا وإللى سافكوا دمائنا
بكرة ربنا هيحرق قلوبكم على ولادكم بكرة هتتمنوا ترجعوا يوم للخلف بس هنقولكم إحنا إللى صبرنا عليكم كتير
داين يا آبن آدم تدان الدايرة بتدور علينا كلنا بكرة هننتصر
ويسقط يسقط حكم العسكر إحنا الشعب الخط الأحمر
آه أى حاجة بتذبح بتكون عنيفة وتفضل تضرب هنا وهنا وترفص وفى الأخر بتفرفر وتموت بعد قطع رقبتها
فرفرتوا كتير دلوقتى هنقطع من الدبيحة ونوزع على السجون وإعدام ومن قتل يـٌــقتل ولو بعد حين
لكم نار دنيا وآخرة ربنا عدل ربنا حق ربنا هينصرنا عليكم يا من سفكتم دمائنا وقلتم لم نفعلها
يا ثوار إثبتوا أنتم الحق ومعكم الله الحق إننا منتصرون
الفكرة حيه لو مات صاحب الفكرة الفكرة أقوى الفكر سلاح جبار عمرهم ما هيعرفوا يعنى إيه حرية
عشان عبيد المأمور هتعيش وتموت عبيد ودائماً ما يعشق العبيد جلاديهم
عاشت مصر بشبابها
يا ثوار تفائلوا وأحبوا بعضكم وأبتسموا وأعملوا تفائلوا بالخير تجدوه : )
ليست هناك تعليقات:
إرسال تعليق