الموجة إللى تعلي ..

هي هياها إللي تغرق ..
إستغلال الأمل إستغلال الثورة . . . . . . 

سبحان من خلانا نثور سبحان من أعطانا الأمل والحلم

وسبحان الله أكتر بقا إن الثورة أمل . .. . . أمل لكل فاقد الأمل أمل لكل غلبان لكل مهموم

لكل صاحب حلم أمل للشقيان أمل  للمجتمع بحاله ...

آه بس زى ما هى أمل كدا فى ناس الله أعلم بنفوسهم إيه ! أمل لمصالحهم أيوة الثورة أمل لمصالح آخرى

يعنى إيه ؟؟؟؟؟؟

يعنى أنا ولا فارق معايا حاجة ولا دم هاركب موج الثورة وأنا وحظى وهعوم الله وهتعوم فى أى إتجاه ؟؟

هتعوم شمال برافووو ضد الثورة يعنى أيوة طب قشطة هتتجاب وتتلسوع :)

عندنا منهم صحافيين وناس فاكرة نفساها إعلاميين وبتوع كورة هأأو :D

يمين بقا كنت مع الثورة بقا يعنى عايز مصالح زى خدمه نفسك أصحاب، بنات، شهرة، معرفة ناس كتيييييير

أوووف على الناس دى فاكرين نفسهم مستخبين وإنهم مش مفضوحين :)

باينين أوى كفاية بقا .. يجى يقولك إيه: أنا النهاردة كنت مع فلان النهارد طلعت على القناة الفلانية يا حبيبي أنت صاحب فكرة  عارف يعنى إيه فكرة وهدف ؟؟!!

فلتخدم فكرتك وأهدافك فلان إللى كنت معاه ده هيعملك إيه شهرة ولا دم شهيد ؟؟؟

طب معلش كمان القناة الفلانية بردو خدمتك فى شهرة رضيت نفسك طب والفكرة والضمير فين ؟؟؟

غير بقا الإستعراضات السخيفة جداً والأنانية والغيرة من راكبين أمواج الثورة

مقدرة إحساسكم "المريض" بإنكم نفسكوا تكونوا مشهورين وعايزين تبقوا محبوبين وليكوا أصحاب وتتعرفوا على الدنيا

بس بجد جرب تعمل كدا عشان إنت بتحب بلدك وعايز تعمل لها حاجة

إجتهد وإقرأ وتعلم وإفهم وإتكلم بأسم الثورة والثوار من غير ركوب وإستعراض وشهرة

وصدقنى لما تخلص العمل ربنا هيكرمك أعمل من أجل فكرة وثور ثورة حق لأهداف حق :)

فى الأخر مش إنت المنتصر على فكرة عشان عملك مش مخلص لله وللثورة ولدم الناس إنت بتستعرض من

أجل أهداف تانية

أخيراً لازم نرجع جسد واحد روح واحدة فكرة واحدة ونسبنا من جعل الثورة موجة بتعلينا للشهرة مش عشان

عيش حرية عدالة إجتماعية كرامة إنسانية ودم إخوتنا ومتنساش الموجة إللى ترفعك ممكن أوى تكون هى

الموجة إللى تنزلك سابع أرض وفى أمثله على كدا . . . .


كن مع موجه الحق إللى هتتحول سحاب ينزل مطر يروى الشجر :)
مش مع موجة بتعلا فوق بسرعة وبتنزل بسرعة ;)

وأخيراً بثورة من غير ثورة تفائلوا وإعملوا وتحابوا وإبتسموا : )

تفائلوا بالخير تجدوه : )