أما بحب ربك فحدث

وأما بــ حب ربـك فـحـدث ..

كنت بدعي ربنا ديما إنتشلني إنتشلني من الحزن والذنوب .. م الوجع والخوف ..
كنت ديماً بتحدف من إختبار لإختبار من وجع لوجع وأقول يارب إمتى يوقف الوجع إمتى أبطل الخوف

ماكنتش أعرف إن الأنتشال يتطلب وجع ع وجع وجع رحمة وإعزاز نفس .. وجع يديك بصيرة تفتحها على كل حاجة !!

وأتاري إللي إنت بتقول عليه وحشه هي جزء بسيط من الوحشة الكبرى وأتاري الذنب البسيط ماهو إلا جزء من ذوب مهولة !
وأتاري صاحبك إللي إنت تعرفه من زمن مش صاحبك وكله مساوء تضرك توجعك .. وأتاري الناس خوف ووحشه وسرقة من ربنا ..

وترجع تسأل نفسك يااااه شكراً ع البصيرة إللي بتيجي ف حاجات .. بس هو أنا فيا إيه أستاهل تحبني عشانه لو فيا حاجة حلوة فــهي منك .. وكل مساوئي مني كل ذنوبي وعيوبي مني .. فيا إيه مني تحبه .. أنا مافيش فيا حاجة تشفعلي غير حبي لك!!
وكتير بحس حبي لك مش حقيقي ومدعي .. وكتير بفخر إنك معايا من الثقة تتحول غرور والغرور يخلي أي نعمة تزول ...

حبك سابق لطفك حارس ونورك مضوي طريقي كل الببان يارب فتحت كل الحب راح .. كل الحبايب قصاد حبك أقل من العدم .. أسفه إني بحب خلقك زيادة وأجري وراهم كالعادة .. والحب منك عبادة ..
يارب شكراً إنك إتشلتني وعرفتني إن إلل قال فيا عيب شوفت عيوبه بعنيا وزعلت وصدقت إني ممكن أكون كده..

شكراً لأن إللي فيه مش بإديا نعمة إنك جعلت ساتر بيني وبين نفسي ولم أصبوا إليها يارب .. أنا بيك قوية إزاي كده ؟
يارب يا دايم ديم حبك ديم سترك عليا .. ويارب مالي فــ إستوائي حول ولا قوة ما تخليش نفسي تضلني تبعدني وتاخدني منك ماتخليش نفسي تبعدني عنك ...

حبك أقوى .. حبك سابق وبالرغم من إن مافيش فيا حاجة تحبها إختارتني وإختارت تنتشلني من وسطهم شكراً وحمداً ..