والبوسة منـه نـور ..

هو أحنا ليه فاكرين أن النور بيتشاف .. مش يمكن يكون شفاف ؟
وليه فاكرينه أبيض .. مش يمكن هو إللي بيبيض ؟

لما يجيلك النور ممكن أوي متلحقوش متعرفوش .. فيروح عليك .. أنت فاكره متشاف بس ف الحقيقة أنت مغمض 
مش مغمض عينك .. أنت مغمض قلبك ..

فتح قلبك تــاكل ملبن .. 
ربنا عرفوه بالقلب ..

النور أنيق بيمر ويترك أثر ولا يمكن ملاحظته ... إلا من شاف بالقلب ..

ــــــــــــــــــــــــــــــــــــــــ
ديماً بترعبني الأبتلائات وأقل أدبي مع ربنا وأقوله ليه كده ليه الجرح ده ليه الكسرة دي ؟
أسقط ف الأختبار .. أكتشف النور إللي كنت هكسبه وهعلى بيه .. أندم .. أفرح .. يجلي واحد تاني وتتفاوت درجات السقوط 
للأسف فاشله ف المحبه بدرجة أولى .. وإن شكرتم لأزيدنكم ..

-وأفتكر أيوب الصابر .. وموسى المثابر .. وسيدنا النبي لما كان فاكر ربنا غضبان عليه سيدنا النبي إللي جاله جبريل بحاله أفتكر ربنا غضبان عليه .. فدعى ربنا وقاله بص إن لم يكن بك على غضب فلا أبالي .. أهم حاجة متكونش غضبان وده إللي يهمني ..
يعني بعت الأختبارات حب حتى غلطاتنا وذنوبنا حب ..
عشان عايز يسمع صوتنا بتوبه .. ونقرب بحضن ف سجده ويحدف لنا بوسة فى القلب هــي نــــور - .

لكني كل مشكلاتي معاه كانت بتبقى إني خايفه إنه يبعد .. ولما يبعد أنا بضيع بتوه ومعرفنيش وأغلط .. أغلط سعات كتير عن عمد وبقصد .. قال يعني بعاقب نفسي ..

بس أتاري عقلي المضلم هو سبب ضياعي مني .. وإنه هو ديماً قريب وإنه هو ديماً حبيب وإنه هو حبني الأول وعايزني قبل ما أعوزه وندهلي قبل ما أندهله .. هو في نور مكتمل بالطريقة دي أصلاً ؟!

الفكرة ف إنه الإحساس هو إللي مضلم والقلب مغمض ومش حاسس هو دايماً قريب وأنت إللي بعيد ..
ديماً هو هنا وإنت بالعقل هناك فى أقصى ركن وأقساهم كمان ..
أقصيت نفسك وقسوت عليها ..

عاقبت نفسي كتير وما زدتها إلا نفوراً وما زداتني إلا كسرة وجراحاً ..
وعقاب النفس مش بمعاقبتها ويلا أفضح نفسي يلا أديها بالجزمة وأقول عنها كذا وكذا وهي أصلاً تستاهل  ..
القاعدة إذا بُليتم فستتروا .. الله ستار .. ،،، عايز تعاقبها تعالى ورايا أصلي جربت أدايقني كتير وأفضحني كتير ومازداتني نفسي إلا قسوة وفقدت كل ماظننت أنه جميلاً ..

عاقب نفسك بنور ربنا ..
عاقبها بسجده .. ببصه ف السما باصصها جوه قلبك وبتقوله أنا لسه مش فاهمك لكني بحبك وعايزك ..
من بين الشقوق والكسور إللي ف نفسك أيوه إللي هي عاملتها فيك دي بإديك هيحدف جوه قلبك النور .. النور إللي بيخلي القلب يسمع ويشوف ، غمض عينك وفتح قلبك .. 
ربنا بيحبك عشان كده بيختبرك ويبتليك حتى لو غلط مليون مرة هو الوحيد إللي هيسامحك حتى لو مش هتسامح نفسك ..
أوعى تضيع فرصة حب ربنا إللي هي أصلاً مش فرصة عشان موجودة على طول ...

ولو فاكر إنك بعد ما تشوف النور تقدر تعصي متفكرش إنت هتخاف يفارقك فهتكون ديماً في النور ويمكن يصتفيك تبقى عبد نوراني رباني ..
والرب من التربية إللي بيحصلك وبيحصلي ده تربيه .. رب وبيربينا بينورنا :))

خد الحب من الأول .. وأعرف إنه على كل إللي أنت عارفه عن نفسك وستره ليك هو بيحبك سابق ف حبه سابق ف عطفه سابق ف الحضن ...

آه الحضن لأ بقا متقوليش كمان عمرك ما حسيت حضن ربنا ؟!
يا عبيط حضنك كتير فى تفصيلة صغيره .. فى لوحه ع الحيطة فى رجل قطة بتتجلى فيها عظمته فى عيون صاحبك لما تناغشه فى حضن من صاحبه بتكسر ضلوعك وتجري جوعك للحب تنزل دموعك و يتجلى حضن ربنا ..
وكتير يتجلى ف العيون ..

متهملش التفاصيل .. بنجري نفرح الدنيا كلها .. ونحس بالوحدة مع أننا أصحاب الناس كلها .. متهملش التفاصيل جوه التفاصيل .. الحب .. النور .. الحضن الصافي بتاع ربنا .. والوحدة معاه تملكك الدنيا كلها ...

عارف قُبلات ربنا عبارة عن أيه ؟!
قُبلات ربنا هي الأنوار الصغيره إللي بيحدفها فى فكرة تجيلك كده وأنت نعسان تفتح تكتبها فى نوت .. 
فى حلم حلو من حد جه يطبطب علينا ..

حضن ربنا تفاصيل ... وبوساته أنوار 
أختار أقرب أسم بتحبه ليه وناديله بيه .. عندك 100 أسم لربنا أيوه عارفه 100 أولهم "هــو" وأوسطهم "نور" وملهمش أخر بس نختاره "الرحمن" .. 
أختار أسم عشان يختارك مع إنه أختارك أصلاً لما صنعك بس أختار مع إنك برضه أختارته زمان لما كنت ف ضهر آدم لما أتعرضت عليك الأمانة بس أنت نساي ..
متضيعش الحب عليك بظنك فيه وحش وبظنك في نفسك سوء ...
أنـــا عــنــد ظــن عـبـدي بــــي ...